1.мај 2012
На само две недели по убиствата кој Смилковското Езеро, Гордана Јанкуловска победоносно ја запозна јавноста дека рано утрото, со математичка прецизност е изведена антитерористичка акција, во која 800 припадници на силите на безбедноста имаат неутрализирано и лишено од слобода група од 20 радикални исламисти кои
На грижливо подготвената сцена, пред бројните телевизиски камери, министерката ја просветли нацијата дека основниот мотив на убиствата бил да се создаде страв и несигурност кај населението. Убиствата имаат меѓународна димензија бидејќи,
28.април 2015
На прес конференција со подеднакво грижливо подготвена сценографија, Зоран Заев ги најави најсилните “бомби” со кои конечно ќе биде разнесен режимот на Никола Груевски. Со театралност рамна на театралноста што ја прикажа Колин Пауел во неговото обраќање пред Советот за безбедност на ООН во февруари 2003, Заев ги подигна емоциите до точка на вриење најавувајќи ги најсензитивните материјали за случајот “Монструм”. Исто како шишенцето антракс во раката на Пауел, касетата во раката на Зоран Заев беше мамката за масовно придобивање приврзаници на неговата кауза:
27 март 2018
На исто така спектакуларно подготвена прес конференција, Никола Димитров ги истретира стаписаните присутни новинари со шок-терапија од висок напон. Им стави на знаење дека лекцијата од Јанкуловска не смее да биде заборавена. Ниеден важен настан не е линеарен ниту изолиран. Исто како и убиствата кај Смилковското езеро, и денешното официјално објавување непријателство кон Русија има две димензии. Од меѓународна страна, обврзани сме да војуваме против Русија како држава-членка на антирускиот воен блок. Од домашна страна пак, рускиот дипломат мора да биде протеран зашто
Која е заедничката порака од сите три македонски народни приказни? Во секоја една од нив:
- искажани се безочни лаги
- се лаже свесно, намерно, и без никаква грижа на совест
- лагите ги “пуштаат во оптек” личности на висока и одговорна позиција
- туѓата несреќа се користи за себепромовирање и пропаганда
Не е проблем да се пронајдат фалинките во шокантните приказни конструирани од “нашите” политичари. Доволно е само куса временска дистанца, само малку да се смират емоциите, за да може да се постават нормални, суштински и разумни прашања.
ГОРДАНА ЈАНКУЛОВСКА
Времето покажа дека нејзината театралност беше само пренадуен балон од кој, откако постепено е издишан, нема останато ништо. И пилците знаат дека нема Албанец во Македонија чиј идеал е да го положи животот во светата борба против НАТО и САД. Нејзината искривена логика служи само за да создаде конфузија во умовите на оние што ја слушаат. Нејзиното парадирање пред телевизиските камери ќе остане само како сведоштво на едно време за кое сите попусто посакуваме да биде само дамнешно минато.
НИКОЛА ДИМИТРОВ
Од него не треба да очекуваме да каже кои класифицирани информации биле цел на рускиот дипломат. Најверојатно е дека за тоа нема воопшто ни добиено инструкции што да каже. Одговорот ќе треба да го бараме на друга страна.
Со какви класифицирани информации располага Македонија? Ако подобро размислиме, и една по една ги елимираме сите бесмислени претпоставки, ни останува само една реална можност: се што му е потребно и доволно на оној што има намера да влијае врз процесите во Македонија може да се најде во “бомбите” на Заев.
Притоа, содржината на “бомбите” е споредна; многу поважен е податокот дека кај нас реално и докажано постои еден “наддржавен“ систем на разузнавање овластен да следи, прислушкува и собира детални информации за секого и на сите нивоа, од најобичен граѓанин па се до врвот на државата, па дури и самата служба за безбедност. Со други зборови, имаме мета-разузнавачки систем чија база на податоци може да биде извор на неограничена моќ. Алп рускиот дипломат успеал да го пробие овој систем, тоа би било голем успех.
ЗОРАН ЗАЕВ
Сепак, по перфидноста, макијавелизмот и монструозноста на изречените лаги шампионското место без конкуренција му припаѓа на средно богатиот бизнисмен од Муртино. Ако има нешто што заслужува да го носи името “Монструм”, тоа е подмолноста со која Заев има згазено врз болката на семејствата на загинатите момчиња, и врз неподносливата мака на луѓето притиснати од дебилизираната, но сепак совршено функционална машинерија за репресија на Груевски. Нема ништо во него освен грамзивоста “да бидам калиф на местото од калифот”.
Колин Пауел, десетина години откако Ирак е претворен од држава во хаос, јавно има признаено дека дека она што го зборувал во 2003 не било вистина. “Тогаш верував дека е така” е одбрана која изгледа дека е прифатена ако не на друго место, барем кај него дома.
Прашањето за нас денес е, колку на “нашите” домашни лажговци ќе им се даде можност во иднина, ако некогаш се побара одговорност за извршенот криминал, да се користат со вакви или слични олеснителни околности. Денес секој еден од нив се однесува дрско, безобразно и арогантно заради тоа што се свесни дека, под околностите што ги имаме сега, нема никогаш да им биде побарано да дадат отчет за она што го прават. Нашата задача, искажана со зборовите на Доналд Трамп, е: да биде исушена барата-легло во која се котат паразити од секаков тип.